Та бүхнийг найз нөхөд, хамт олон, гэр бүлээрээ галт тэрэгтэй аялан цэвэр агаарт цагийг зугаатай өнгөрүүлэх Сайхны хөтөл - Тужийн нарс вагонтой хэрхэн аялах боломжийг танилцуулж байна.

Сэлэнгэ аймагийн үзэсгэлэнт газрууд харьцангүй аймгийн төвөөсөө ойрхон. Нэг өдрийн аялал хийхэд нэлээд хэд хэдэн газар үзэх боломжтой.

Энэхүү аяллын төлөвлөгөөндөө Сэлэнгэ аймаг руу очих арга, 🧳 тээврийн мэдээлэл, газруудын байршил болон амралтын захиалгын линкүүдээс гадна амралтын газрын мэдээлэл, үйлчлэх найдвартай жолоочийн дугаарыг орууллаа.

Мөн шинээр нээгдсэн

1. Zipline

2. Дүүжин гүүр

3. Уулын шүхэр

4. Paintball тоглох боломжтой газруудын холбогдох мэдээллүүдийг энэхүү аяллын төлөвлөгөө дээрээс сонирхоорой

Танд хэрэг болно гэж найдаж байна 🌍

✍️ Санамж:

Аяллын тээвэр, 🏨 буудал, болон 🎟️ үзвэрийг захиалахдаа заавал өөрийн аяллын хугацаа болон бусад чухал мэдээллийг оруулж, захиалгаа сайтар нягталж хийхийг зөвлөж байна.

✈️ Онгоцны билет захиалга хийхдээ дараах зүйлсийг сайтар шалгаарай:

🕒 Нислэгийн хуваарь

📦 Ачааны мэдээлэл

🛫 Нисэх болон 🛬 буух онгоцны буудал

✈️ Нислэг хоорондын зай

⚠️ Анхааруулга:

Хүн бүрийн аялах хугацаа өөр байдаг тул таны аяллын хугацаанаас хамааран санал болгож буй сайтууд дахь нислэг, буудал, болон аяллын үзвэрүүдийн үнэ өөрчлөгдөх магадлалтай. (Энэхүү мэдээлэлд миний аяллын үеийн үнийн дүн багтсан болохыг анхаарна уу.)

Энэхүү аяллын төлөвлөгөөний дагуу та дараах газруудаар аялах боломжтой

1. Сайханы хөтөл

Сэлэнгэ аймгийн төвөөс 10 хүрэхгүй км-ийн зайтай Монгол Оросын бараг хил дээр байгалийн үзэсгэлэн бүрдсэн Сайханы хөтөл хэмээх сайхан газар бий. Өмнө нь Тэмээн хүзүүтийн хөтөл хэмээн нэрийддэг байсан эл газрыг жанжин Д.Сүхбаатар “Үнэхээр сайхан хөтөл юм аа” хэмээн уулга алдсанаас хойш Сайханы хөтөл хэмээн нэрийдэх болсон гэдэг.

2. Тужийн нарс

Сибирийн их тайгын зүүн өмнөд төгсгөл, Хэнтийн нурууны салбар уулсын үргэлжлэл болдог. Тужийн нарс хэмээх байгалийн цогцолбор газар нь 65548.56 га талбайг хамарсан Сэлэнгэ аймгийн Шаамар, Алтанбулаг сумын нутагт байдаг.

3. Ээж мод

Сэлэнгэ аймагт заавал очиж үзэх ёстой газрын нэг бол "Ээж мод" юм. Хүн дүрст энэхүү мод нь Сэлэнгэ аймгийн Шаамар суманд байдаг бөгөөд төв замаас 3 км-т байдаг. Харин Улаанбаатар хотоос очиж байгаа бол 320км байрладаг байна. Жил бүрийн ханш нээх өдрөөр буюу 4 дүгээр сард 1 удаа тахидаг. Ээж мод хэмээн тахих болсны учир шалтгаан тодорхойгүй байдаг бөгөөд зөвхөн таамаг, үлгэр домог л байдаг аж.

4. Сүхбаатар хот

Сүхбаатар сум нь Орхон голын эрэг дээр орших, Сэлэнгэ аймгийн төв юм. Сүхбаатар хотод монголын төмөр замын өртөө бий.

5. Оргидог булаг

Сэлэнгэ аймгийн төв Сүхбаатар сумаас зүүн зүгт 20 км зайд “Оргидог булаг” гэх нэртэй булаг байдаг. Энэхүү булагын хажууд уянгалаг дуу дуулахад рашаан нь оргиж гардаг сонирхолтой тогтоц байдаг.

Сэлэнгэ аймагт маш олон газрууд шинээр нээгдсэн бөгөөд аялахад үнэхээр сонирхолтой болсон байна. Иймээс та бүхэндээ шинээр нээгдсэн газруудыг танилцуулж байна