Хятад руу аялахаасаа өмнө дараах аппликейшнуудыг татаж авах нь зүйтэй.

Alipay: WeChat Pay-тэй адил Alipay бол Хятадад өргөн хэрэглэгддэг гар утасны төлбөрийн аппликейшн юм. Худалдан авалт хийх, тээврийн хэрэгсэл захиалах гэх мэт зүйлсд тохиромжтой.

WeChat: WeChat нь Хятад улсын зонхилох харилцаа холбооны аппликейшн бөгөөд төлбөр тооцоо хийх гэх мэт бүх л зүйлд ашиглагддаг. Та өөрийн банкны картыг WeChat Pay-д холбож, гар утасны төлбөр тооцоог хийх боломжтой. Wechat төлбөрийн системийг ашиглахын тулд заавал хятад банкны данстай байхыг шаарддаг. Харин банканд данс нээлгэхийн тулд Хятадад оршин суух тусгай ангиллын эрхтэй байх ёстой учраас хэрэглэх боломж нь хязгаарлагдмал тул удаан хугацаанд байхаар төлөвлөж буй хүмүүст тохиромжтой .

Baidu Maps эсвэл Amap (AutoNavi): Google Maps Хятадад сайн ажиллахгүй байж магадгүй тул эдгээр найдвартай газрын зургийн аппликейшныг санал болгож байна. Baidu Maps болон Amap нь Хятадын хотуудаар түгээмэл хэрэглэгддэг юм.

Google Газрын зураг - Google Maps: Google Газрын зураг нь ойролцоох газруудыг хайж олох, явах чиглэлээ харах хэрэгсэл юм. Та мөн замын хөдөлгөөний нөхцөл байдлыг шалгаж, маршрутаа төлөвлөхөд ашиглаж болно.

VPN Аппликэйшн: Facebook, Twitter, Instagramд хандахад танд найдвартай VPN хэрэгтэй болно. Хятадад ирэхээсээ өмнө VPN-ээ тохируулж, туршиж үзээрэй. Бидний санал болгох VPN: AOX VPN, ExpressVPN, NordVPN, Astrill

Didi (滴滴出行): Ихэнхдээ "Хятадын Uber" гэж нэрлэдэг Диди бол унаагаа шийдэх боломжтой аппликейшн юм. Энэ нь уламжлалт такси барихаас илүү тохиромжтой.

Mobike/Ofo (摩拜/小鸣单车) дугуй түрээслэдэг аппликейшн

Trip.com бол Хятадад аялахдаа англи хэл дээр зочид буудлын захиалгын үйлчилгээ авах боломжтой өөр нэг платформ юм. Үүнд Хятадын хотуудад олон төрлийн зочид буудлуудыг санал болгодог.

Google translate: Хятад ханз болон орчуулах шаардлагатай зүйлсээ скрийншот хийгээд зураг оруулдаг хэсэгт орчуулга хийхэд амар болгодог.

Meituan-Dianping (美团点评) энэхүү аппликейшнээр дамжуулан хоол хүргэлт, рестораны хоол захиалга, киноны тасалбар захиалга гэх мэт төрөл бүрийн үйлчилгээг нэг дороос авах боломжтой.

Бусад аппликейшнууд:

Ctrip (携程) Хятад оронд аялахдаа нислэг, зочид буудал, галт тэрэгний тийз, аялал захиалах боломжийг олгодог аяллын нэгдсэн аппликейшн юм.

Baidu Waimai (百度外卖): Baidu Waimai нь олон төрлийн ресторанаас хоол захиалах, таны байгаа байршилд хүргэдэг хоол хүргэлтийн аппликейшн юм.

Кунар (去哪儿) Кунар бол зочид буудлын захиалга, нислэг болон бусад аяллын үйлчилгээг санал болгодог хятад орны аяллын захиалгын өөр нэг томоохон платформ юм.

PAPAGO

Олон дүрст ханзыг дууриалган бичих, ялган унших, орчуулахад түвэгтэй байдаг. Хэрвээ танд ч бас ийм асуудал байдаг бол Papago-г санал болгож байна. Энэхүү апп нь солонгос, япон, хятад хэлний уламжлалт буюу хялбаршуулсан хэлбэрээр орчуулдаг бөгөөд зураг дараад тодруулах төдийд л сонгосон хэлээр тань орчуулж өгнө.

Pleco: Pleco бол ханз бичиг, зургийг орчуулах хүчирхэг OCR (оптик тэмдэгт таних) функцтэй маш сайн оффлайн Хятад-Англи толь бичиг юм.