Trip.com бол дэлхийн хамгийн том онлайн аялал жуулчлалын захиалгын сайтуудын нэг юм. Тус вебсайтыг ашиглахад аюулгүй бөгөөд танд зочид буудал, нислэг, галт тэрэг, аялал захиалах гэх зэрэг аялал жуулчлалтай холбоотой олон төрлийн үйлчилгээг санал болгоно.

Буудлын хувьд гэхэд л 230-аад орны 5,000,000 гаруй зочид буудал бүртгэлтэй байдаг учир эдгээр маш олон сонголтууд дундаас таны төсөв, хугацаа болон сонирхолд таалагдсан ямар ч буудлыг захиалж болно.

Ta Trip.com аппликейшныг утсан дээрээ татах эсвэл www.trip.com вебсайт дээрээс буудал захиалахын тулд доорх алхамуудыг даган хийнэ үү.

1-р алхам: Хайлт хийх

Хэрвээ та шууд захиалгын линк дамжин сонгосон буудлаа захиалах бол 2-р алхам руу очно уу.

Hotels цэсийг сонгоно

Очих газраа оруулна

Хэдэн өдөр захиалах, хэзээнээс эхлэн байрлаж аль өдөр дуусахаа тохируулна

Хэдүүлээ хэдэн өрөөнд орохоо мөн оруулна.

Мэдээллээ оруулсаны дараагаар search хэсэг дээр даран хайлт хийнэ

Таны төсөв, сонирхол болон аяллын хугацаанд тохирсон буудлаа сонгон дарна

2-р алхам: Захиалга хийх

Аяллын хугацаа буюу хэзээнээс хэдний хооронд байрлах хугацаагаа оруулна /Хэрвээ оруулаагүй бол/

Буудлынхаа өрөөг сонгоно

Туршлагатай аялагчдын зөвлөгөө: буудлаа сонгохдоо хотын төвд байрлах буудал сонгохоос илүүтэйгээр метротой ойр буудал сонгосон нь зүйтэй.

Буудлын өрөөний сонголтыг хийхдээ ямар төрлийн хэдэн ортой, хэдүүлээ орох боломжтой (хүүхэд ямар нөхцлөөр оруулдаг), өглөөний цай болон цонхтой эсэх, захиалга хийхдээ шууд төлбөрөө авдаг эсвэл очоод төлдөг эсэх, захиалга цуцлах нөхцөл (хэднийг хүртэл үнэгүй цуцлах боломжтой, цааш хэр хэмжээний суутгал авдаг) мөн хүмүүсийн сэтгэгдэлийг сайтар шалгаж захиалгаа өгнө үү.

Байршлыг сонгохдоо хамгийн ойр метроноос хэдэн метрийн зайтай (ийш алхах боломжтой эсэхээ тооцоолох), таны сонгосон үзвэр болон очих ёстой онгоц, галт тэрэгний буудалтай хэр зайтай эсэхийг мөн давхар шалгаарай.

Book эсвэл Reserve товч дээр даран өөрт тохирсон аль нэг хаягаараа нэвтэрч, бүртгүүлнэ

Тус өрөөнд орох хүмүүсийн нэр болон овог, холбогдох дугаараа оруулж шаардлагатай бол онцгой хүсэлт гаргасны дараа Book хэсэгт дарна

Хамгийн сүүлд та төлбөрөө нөхцөлөө сонгон захиалгын дүнг төлснөөр буудал захиалагдах болно.

Credit card хэсгийг сонгон онлайн гүйлгээ хийх боломжтой банкны картын дугаар, картынхаа эзэмшигчийн нэр болон дуусах он, сараа оруулан CVC дугаараа оруулаад PAY товчийг дарснаар таны захиалга баталгаажигдах болно.

3-р алхам: Захиалгаа харах

Та өөрийн захиалгаа MY BOOKINGS цэс дээрээс харах, хянах, засварлах эсвэл бүүр цуцлах боломжтой.

Аяллын хугацаанд сонгосон буудал дээрээ ирээд захиалгынхаа мэдээллийг ресепшин дээрээ харуулаад буудлынхаа өрөөнд ордог.