Та бусад онгоцны тийз захиалгын үйлчилгээ үзүүлдэг компаниуд, аяллын агентлагуудад мөнгө төлөлгүйгээр онгоцны тийзээ өөрөө 4 алхмаар захиалж сураарай.

Нислэгийн нэгдсэн сайтуудаас өөрийн сонирхсон нислэгээ сонгоно.
Зорчигчдын дэлгэрэнгүй мэдээллийг бөглөнө.
Холбоо барих мэдээллийг оруулна.
Тийзнийхээ төлбөрийг онлайнаар төлснөөр онгоцны цахим тасалбар таны имэйл рүү илгээгдэх болно.

Эхний алхам: Нислэг хайх болон сонгох

Нислэгийн нэгдсэн сайтуудаас өөрийн сонирхсон хугацаа, очих газраа оруулснаар тухайн өдөр үйлдэгдэх нислэгүүд гарч ирдэг.

Эдгээр нислэгүүдээс таны сонирхсон үнийн нөхцөл, хуваарьт таарсан нислэгээ сонгосноор тухайн нислэгийг үйлдэж буй авиа компанийн болон агентлагийн вэбсайт руу орно.

Нислэгийн нэгдсэн сайтууд яг тухайн өдөр, тухайн чиглэлд үйлдэгдэх бүх нислэгүүдийг нэгтгэж харуулж өгдөг учир өөрийн хүссэн нислэгийн тийзээ та бүхэн эдгээр сайтуудыг ашиглаж захиалж сураарай.

Бидний санал болгож буй захиалгын 6 сайт:

1. Skyscanner Энд дарж орно уу

2. Trip.com Энд дарж орно уу

3. Kayak Энд дарж орно уу

4. CheapOair Энд дарж орно уу

5. Expedia Энд дарж орно уу

6. Momondo Энд дарж орно уу

Жишээ болгон www.skyscanner.net сайтаас тийз захиалцгаая.

Та шинэ жилийн өмнө Сөүл рүү долоо хоног аялахыг хүсч байна гэж бодъё.

Нислэгийнхээ хайлт дээр явах цэг буюу (From) - Ulaanbaatar, очих цэг буюу (To) Seoul гэж оруулна.

Return – хоёр талдаа,

One way – нэг талдаа,

Multi-city- олон хотоор дамжихаар гэсэн сонголтуудаас хайлтаа хийнэ.

Хэрэв танд зөвхөн шууд нислэг хэрэгтэй бол "Directs flights only" гэсэн сонголтыг тэмдэглэнэ үү.

Depart – явах өдрөө;

Return – буцах өдрөө оруулаад

Cabin Class, Travellers дээр зорчигчдын тоо, нислэгийн зэргийг сонгоод Search буюу хайлт хийнэ.

Эдгээр нислэгүүдээс үнэ, цаг хугацаа, агаарын тээврийн компани, дамжлагаар нь ангилж болно.

BEST гэсэн сонголт нь танд санал болгож буй нислэг,

Cheapest хамгийн хямд,

Fastest хамгийн хурдан,

Direct – шууд

1 stop – нэг дамжлагатай,

2+ stops – олон дамжлагатай гэх мэт.

Хайлт дээрээс та тухайн нислэгийн авиа компани, явах, буцах нислэгийн цаг, нислэг үргэлжлэх хугацаа , үнийн дүнг харна.

Хэрэв танд үнийн дүнг харахад ойлгомжгүй байгаа бол энэ хэсэгт валютаа төгрөг болгох боломжтой.

Language – хэл сонголт.

Country Region – хайлт хийгдэж буй орон,

Currency – валют сонголт.

Сонгосон нислэгээ илүү нарийвчлан дэлгэрэнгүй үзэхийг хүсвэл "Select" товчийг дарна уу.

Та бүх нислэгийн мэдээллийг зөв оруулсан эсэхээ дахин шалгаж, тийз борлуулах агентлаг эсвэл агаарын тээврийн нислэгийн компанийн сайт руу руу орж худалдан авах боломжтой болж байгаа юм.

Алхам 2: Зорчигчийн дэлгэрэнгүй мэдээлэл бөглөх

Хамгийн чухал хэсэг бол тухайн нислэгийн компанийн сайт эсвэл нислэгийн нэгдсэн сайтад зорчигчдын дэлгэрэнгүй мэдээллийг бөглөх байдаг. Эдгээр мэдээллийг яг таны паспорт дээр байгаа хэлбэрээр оруулна. Үүнд:

Adult – том хүн, children - хүүхэд

Gender – Male/ Mr - эрэгтэй, Female/ Mrs – эмэгтэй

First Name – таны нэр

Last Name/ Surname – овог

Date of birth – төрсөн он сар өдөр

Nationality– иргэншил

ID Type – бичиг баримтын төрөл

Passport number/ID number – паспортын дугаар /E000000/

Expiration Date – паспортын дуусах хугацаа гэх мэт мэдээллийг үнэн зөв, яг таны паспорт дээрх шиг оруулах шаардлагатай.

Алхам 3: Зорчигчийн холбоо барих мэдээлэл оруулах

Зорчигчдын холбоо барих мэдээллийг оруулах шаардлагатай. Онлайнаар та онгоцны тийзээ захиалж байгаа тохиолдолд цахим онгоцны тийз таны и-мэйл хаягт илгээгддэг.

Contact Details – холбоо барих мэдээлэл

Contact Name – холбоо барих хүний нэр

Email – мэйл хаяг

Mobile Phone – утасны дугаар

Бүх нөхцөлийг хүлээн зөвшөөрч байгаа тэмдэглэгээгээ оруулан “Pay Now” буюу “Төлбөр төлөх” гэсэн товчлуурыг дараарай.

Алхам 4: Захиалгынхаа төлбөрийг төлөх

Нислэгийн тийзний захиалгын төлбөрийг олон улсын гүйлгээ хийдэг картаар (mastercard, visacard, unionpay гэх мэт) аль эсвэл цахим мөнгөөр төлбөрөө төлөх боломжтой.

Олон улсын гүйлгээ хийхийн тулд картынхаа e-code, e-pincode (интернэт гүйлгээний код) заавал авах шаардлагатай байдаг. Эдгээр кодтой байгаа тохиолдолд та олон улсын гүйлгээ хийх боломжтой болдог. Та энэхүү кодыг тухайн банк руугаа хандсанаар эсвэл ATM-ээс авах боломжтой.

Card number – картын дугаараа оруулах

Cardholder name – карт эзэмшигчийн нэр

Expiration date – картын дуусах хугацаа (сар, он)

Security Code – картын ард байх нууцлалын кодоо оруулаад цааш үргэлжлүүлэх товчлуурыг дарснаар тухайн банкны хуудас нээгдэж та e-code хэсэг дээр интернэт гүйлгээний пин кодоо оруулаарай.

Эдгээр амархан 4 алхмыг хийснээр таны и-мэйл хаяг руу цахим онгоцны тийз илгээгдэнэ. Үүнийг хэвлэж аваад нислэгийнхээ өмнө бүртгэлээ хийлгэж онгоцны тийзээ аваарай. Ингээд та өөрөө онлайнаар нислэгээ захиалж сурлаа. Та бүхэндээ олон олон аялал хүсье.